Torsdag 19.februar kjem bandet Klingenberg til Fana; eit band som spelar melodiøs jazz i tett nærleik til pop, blues, soul og vise. Dei har spela saman i mange år, og består av lærarar ved musikkavdelinga på HVL Stord (sjå besetning under) som alle er utøvande musikarar i tillegg til undervisning. I veke 8 legg dei ut på ein liten turné og kjem til oss på Milde. Saman med seg har dei to musikkstudentar på årsstudium musikk, som begge har musikklinjebakgrunn. 

Repertoaret på konserten vil vere ein blanding av jazz, pop, soul, blues og viser, både på norsk og engelsk, både sjølvskrive og tolkingar av andre sin musikk.

Besetning: 

Vokal: Gunhild Aadland Rolfsnes

Bass: Frode Hammersland

Ak.gitar: Åsmund Espeland

El-gitar: Jonas Selås Olsen

Trommer og sax: Jonas Cisar Romme

El-gitar: Dawid Zakrzevski

Klarinett: Synva Madsen